(Amanda Strydom / Janine Neethling, Amanda Strydom)

Ons woon op ‘n klein blou ghoen
soos kinders met haar gedoen
wat ons wou doen
sy hang draadloos in die sfeer
haar skouers mank, sy't geen verweer

Sy tol om en om
wag dat die son en die maan opkom
stoot liefdevol haar sade uit
woude, plante, groente, bome
tuine, met geen verwyt

En op n klein blou ghoen
sal ons moor en versoen
op ‘n klein blou ghoen
sal ons doen wat ons doen

Geboorte en dood, oorlog en vrede
ons is bang vir die toekoms
en skaam oor verledes
Christen, Jood, Islam en Hindoe
Rasta, Rhema, Buddhis, en Ghoeroe
gay, straight, pedofiel en transvestiet
hoer, oumens en valse profeet
straatkind, bergie, ryk sakeman
Ons is almal gelyk, die lewe gaan aan

En die klein blou ghoen bly draai en draai
en die haan het lankal al gekraai
kom na my toe, almal wat vermoeid en belas is
en ek sal julle vrede gee
ek sal julle vrede gee

Ons woon op n klein blou ghoen
wat is daar te doen
oor onnosele leiers
en walglik vrot eiers
waarop grys volstruise broei
waarop ou volstruise bloei

En die klein blou ghoen bly draai en draai
en die haan het lankal al gekraai
kom na my toe, almal wat vermoeid 
en belas is
ek sal julle vrede gee
ek sal julle vrede gee

Ons woon op n klein blou ghoen
soos kinders met haar gedoen wat
ons wou doen
sy hang draadloos in die sfeer
haar skouers mank,
sy't geen verweer